Когнитивно- бихејвиорална терапија за справување со анксиозност
Когнитивно- бихејвиоралната терапија (CBT) е најчесто користената терапија за справување со анксиозни пореметувања. Оваа терапија наоѓа и своја примена при ефективни третмани на многу состојби помеѓу кои и третман на панични пореметувања, фобии, социјална анксиозност.
Овој пристап негативните ‘’шеми на однесување’’ и нарушувања ги гледа од перспективата од која ние го набљудуване светот, а и самите себе.
Когнитиваната терапија испитува како негативните мисли влијаат врз анксиозноста, а бихејвиоралната терапија пак го испитува начинот на кој се однесуваме и реагираме на ситуациите кои се тригери односно влијаат врз појавата на анксиозноста.
Нашите мисли а не и настаните кои се случуваат во нашата околина односно екстерните настани се оние кои влијаат на начинот на кој ние сечувствуваме.
Анксиозноста е често предизвикана од мислите и стравовите кои ги имаме за нештата, затоа во основата на оваа терапија се крие и самата суштина на генералниот проблем со перцепцијата на анксиозноста- ситуациите не се оние кои го детерминираат начинот на кој се чувствуваме, туку нашата перцепција на нештата и ситуациите.
Пример: вашиот партнер ве изненадува со купување на авионски карти за летен одмор.
Колку мисли ќе имате во својата глава во моментот?
Да разгледаме 3 различни начини на кои луѓето размислуваат при вакво сценарио и како нивните мисли ќе влијаат врз нивните емоции..
Мисла#1: Ова патување звучи одлично, со сигурност ќе уживаме заеднички во оваа авантура!
Емоции: среќа,возбуда
Мисла #2: Не би можела да патувам со децата. Подобро е да одиме на некоја поблиска дестинација додека се помали.
Емоции: неутрални
Мисла #3: Никогаш не би можела да летам со авион, од самата помисла градите ме стегаат, не би можела да преживеам лет со авион.
Емоции: анксиозност, тага,негативни емоции
Еден настан кај различни лица може да води до најразлични емоции.
Емоциите зависат од индивидуалните очекувања, ставовите и верувањата.
Кај лицата со анксиозно пореметување,негативниот начин на мислење само го поттикнува создавањето на негативните емоции, анксиозноста и стравот. Целта на когнитивно- бихејвиоралната терапија за случаите на анксиозност е да ги идентификува и корегира овие негативни мисли и уверувања.
“Доколку го промените начинот на кој мислите, ќе го промените и начинот на кој се чувствувате’’!