Декорирање на Велигденски јајца #Дел 1
Доколку ви е потребна инспирација за дома, или пак за да им помогнете на вашите дечиња околу училишните проекти по часовите за ликовно, овој Велигден бидете креативни и поразлични и пробајте со мали, но едноставни трикови да добиете мали уметнички дела.
1. Обојување на јајце со мрсни боички
Ставете ги јајцата да се сварат во вода. Откако ќе бидат тврдо сварени земете неколку мрси боички и шарајте. Мрсната боја под дејство на топлината од јајцето ќе започне да се топи и да креира ефект на обојување со желатински бои. Креирајте шари, дезени и нормално внимавајте да не си ги повредите дланките од топлината на јајцето. Мал и едноставен трик кој ќе и помогне побрзо да завршите со декорирањето е претходно да ги изрендате боичките, па откако ќе ги извадите мрсните боички од врелата вода и и ги избришете со крпа, да ги наросите резaнките врз јајцата што претходно ќе ги ставите врз држачи- влошки за јајца. За 10 минути финалниот производ ќе изгледа одлично, а вие нормално ќе бидете задоволни од резултатот.
2. Декорирајте со ориз
Ставете го сировиот ориз во сад со неколку лажици ладна вода измешана со темперна боја, измешајте се додека не се обои и оставете да отстои неколку минути во содржината се додека не се обои целосно. Извадете го оризот од садот и оставете го да се исуши околу 1 час врз хартија. (Не лепете го врз лајцето додек не е комплетно сув)
Откако ќе се исуши, претходно свареното јајце намачкајте го со лепило и извалкајте го во обоениот ориз.
На деловите со празнини, рачно долепете додатни зрнца на ориз, се додека не се покрие целата површина.
3. На живо јајце направете мала прецизна дупка со голема игла за шиење и полека изцедете ја целата содржина од јајцето во сад на страна. Јајцето на овој начин може да се искористи во безброј декорации но и да се обесува.
Идеа 1 за декорација на празно јајце: Направете јајцето да изгледа како празно гнездо, додадете минијатурно пиленцце, бомбони или пак малку трева во боја и цвеќенца и ќе добиете одлична декорација во домот.
Идеа 2: Празните јајца декорирајте ги како Велигденски свеќи.
Идеа 3: Ставете изникната пченица посадена во влажна почва (хумус) во некој сад, и ставете ја во лушпите оид јајцата
4. Декорирање со лак за нокти
Во пластична чаша со вода истурете делови од вашите омилени лакови за нокти,и истите измешајте ги на површината со чепкалка за заби за да добиете шара.
Претходно свареното јајце со лажица протнете го во чашата и за кратко време извадете го. Постапката повторете ја неколку пати се додека исшарувањето не стане совршено. Внимавајте да се исуше лакот од сите страни пред да ги преместите јајцата во кошничката. За сушење најдобро одговара влошката за јајца која може да послужи како држач.
5. Светки,циркони, бисерчиња и декоративни камчиња и елементи
Свереното јаце со четка обложете го со течно лепило и полека посипувајте го со светките се додека не се покрие целата негова површина. За држач , повтроно користете влошка за јајца. кога првата половина на јајцето биде заврпена и исушена, преминете кон посипување на втората половина. Со ваквиот метод вие ќе добиете мали шанси за уништување на севкупниот дизајн, а воедно поголема веројатност дека ќе ви успее проектот. Цирконите, пулејките и различните декоративни камчиња лепете ги со топол силикон, поради поголемата безбедност на камчињата против паѓање.
