Како да го тестирате парфемот на вистински начин

Имате омилен парфем, но сте во потрага по нов. Меѓутоа, дали умеете да го тестирате парфемот на вистински начин?

Кога избирате парфем, тоа е исто како да избирате долен веш: во прашање е интимно купување, а и не е за секоја прилика.

Мирисот би требало да ја искажува Вашата личност, да Ви ја крени самодовербата и влијае на тоа да се чувствувате сигурно и пријатно.

 За да изберете вистински мирис, морате да знаете неколку работи:

– Купувањето на парфемот направете го наутро. Прво, сетилото за мирис уште не Ви е заситено, како што е случај во попладневните часови, и во можност е да ги открие и најмалите разлики во нотите. Второ, самата кожа во утринските часови мириса непроменето, што значи дека на неа уште не стигнал да влијае дневниот стрес и храната, алкохолот, зачините или никотинот кои го имате консумирано.

Тестирајте максимум онолку парфеми колку што можете да запомните имиња, а тоа се четири. Доколку бидат повеќе, не само што ќе Ви се збуни мозокот туку и сетилото за мирис.

– Четири места на кои би требало да ги тестирате мирисите се пулсните точки односно корен на раката и лактот.

– Парфемот прснете го на кожата и пуштете сам да се исуши, а потоа мириснете го.

– Носете памучна гардероба. Гардеробата од синтетика влијае на промената на самите мириси.

– Доколку се збуните, барајте од продавачот да мириснете малку кафе ( сите добро снабдени парфимерии имаат тегла со кафе во зрно на видното место ), за да го неутрализирате сетилото за мирис.

Единствен вистински начин за тестирање на парфемот е на кожата. На мирисот влијае полот, хормоналниот статус, типот на кожата, па еден парфем може различно да се чувствува на различни личности ….

– Не носите белегзии, сатови или прстени затоа што металот, кожата и ткаенината можат да влијаат на промената на мирисните ноти.

– Парфемот никако немојте да го триете ( зглоб о зглоб ), затоа што тако се нарушува неговата молекулската структура и мирисот се менува.

Екстра совет:

Кога ќе го пробате парфемот, најдобра слика за него ќе добиете ако веднаш потоа заминете на тренинг. Таман ќе помине доволно време да се инфилтрира во кожа, а и самата формула стигнува да се помеша со потта и да Ви даде вистинска слика

На крај и кога ќе наидете на вистински – не претерувајте: парфемот би требало да биде пријатно изненадување само на оние кои ќе Ви се доближат доволно блиску.