![](https://www.zivotistil.mk/wp-content/uploads/2015/12/300-1.jpg)
Л-Карнитин
од 0 коментари
|
Л-Карнитинот е аминокиселина која во висока концентрација е присутна во мускулното ткиво и се синтетизира во телото од аминокиселините Лизин и Метионин. Тој е присутен во органското црвено месо и месните преработки, како и во млекото и млечните производи.
Функција и присутност на Л-Карнитинот
Л-Карнитинот игра есенцијална улога во метаболизмот на мастите, а негова основна функција е транспорт на мастите преку мембраните на клетките до митохондриите каде што се користат како извор на енергија.
Л-Карнитинот е природно присутен во мозокот и нервните ткива, мускулите и срцето.
Позитивни ефекти на Л-Карнитинот
Оваа неесенцијална аминокиселина има повеќе клучни функции и позитивни ефекти и тоа:
- Ја подобрува менталната будност и концентрација;
- Помага во забавување на процесот на стареење;
- Ги подобрува атлетските перформанси и ја зголемува силата и издржливоста;
- Помага при согорување на вишокот масти во организмот и е одличен избор за сите оние кои сакаат да ги редуцираат масните наслаги;
- Обезбедува дополнителна енергија потребна за тренинг;
- Помага во редукција на млечната киселина која се создава во мускулите и со тоа се скратува периодот на опоравување и релаксација по напорен тренинг.