Сончев Брег -Бугарија, незаборавно лето со помал буџет
Сончев брег се наоѓа во јужниот дел на брегот на Црно море, а важи за најголемиот туристички центар во Бугарија. Овој бисер на бугарското приморје се карактеризира со мирно море и прозирно чиста вода поради која е доста популарен помеѓу туристите.
Голем број на природни дини, помеѓу кои растат 16 ретки растителни сорти (5 заштитени со закон) како и шаренолика природа која изобилува со флора , овој град го прави уште поубав.
Периодот помеѓу мај па се до септември донесува преку 1500 сончеви часа го оправдува името на овој град.
Сончев брег оддалечен е од Бургас 35 км и се наоѓа помеѓу Влас и Несебар. Просечната дневна температура и време во текот на летните месиц изнесува 29 степени, а температурата на водата околу 23 степени. Сончев брег е познат по своето сино знаменце за еколошка и природна предност која ја има во однос на другите места на црноморското бугарско приморје.
Доколку сакате песочни плажи со боја на злато , барови, кафичи на самиот брег, топло и чисто море, Сончев Брег е вистинското место за вас. Природен феномен на ова летувалиште – плажа составена од дина но со топло и плитко море постојано како магнет ги привлекува туристите од целиот свет.
Песочната плажа на Сончев брег е долга 10км, а широка околу 40 м , изобилува со барови и кафичи во кои туристите можат да уживаат во ладните напитоци, да изнајмат лежалки или чадори и да уживаат на плажата. Од Сончев Брег туристите може да ги посетуваат соседните плажи пешки со минибус или со бродчиња кои секојдневно се обраќаат во насока Сончев Брег- Несебар како и на други популарни места.
На должината од 10 км колку што е и долга плажата на Сончев брег се наоѓаат плажите Severen и Slantchev Briag. На преубавиот песок на оваа плажа можат да си играат децата но и да уживаат и возрасните. плитката вода овозможува вашите деца побрзо да научат да пливаат без да се грижите дали ќе отидат во подлабоки води.
Theme Park Mom/flickr.com
Доколку сакате возбуда и адреналин поминете барем еден ден во најголемиот аквапарк во Бугарија кој се наоѓа на Сончев Брег. Паркот е богат со атракции наменети за посетителите од сите возрасти. Достапни ви се секакви водени атракции како и коктел барови и ресторани како можете да здивнете и да ги наполните батериите.
Во традиционалните бугарски локали чест обичај е сопствениците на локалот да ве пречекаат со леб, чаша вино како знак на добредојден. Поголемиот број на локали имаат и мени за деца.
Што се однесува на бугарската кујна таа е мешавина од турската, грчката и балканските кујни, а во комбинација со традиционалната бугарска храна ова е чист погодок кога станува збор за доживување на новo гурманско искуство.
Типичен бугарски специјалитет е ѓувеч со сос од пиперки, домат и зелка со месо како и оброкот Cirene po Shopski, кој се состои од фета сирење, домати и јајца а се пече во лонец. Таратурот во Бугарија се јаде како летно освежување надополнет со јогурт, краставички и орев а немате да погрешите доколу пробате и баница -тесто исполнето со фета сирење.
Љубовта кон шопска салата постои и кај Бугарите кој овој назив го зачувале и во нивните мениа а се служи исто и како кај нас со домашна жолта ракија.
Ресторани кои ви препорачуваме да ги посетите:
– Condor Bistro
– Khan’s Tent
– Picadilly
– Kasablanka
– Billy
– Maestro
– Chilli peppers
– La perla
– The Lighthouse
– Fat Cat
– China Wok…
JurgenBOT/flickr.com
Забавата тука трае до зори. Доколку сакате вистински да уживате својата вечер започнете ја во некој ресторан и журкајте се до раните утрински часови во големиот број на дискотеки и ноќни клубови
Доколку сакате караоке, танцување, добра забава, DJ-и, настапи во живо, Сончев Брег е вистинското место за вас.
Места каде забавата трае до утринските часови се:
– Dance club Marina
– Beach bar Mexo
– Disco Orange
– Disco Lazur
– Amigo bar
– Bedroom beach bar
– The Pub…
Еве и како изгледа Сончев Брег набљудуван преку веб камера (кликнете ТУКА)
Доколку размислувате за летување во Бугарија разгледајте ја понудата на АРИЕС на следниот ЛИНК.