Стил на живот или здравје? Што да јадете пред и после тренинг?
Ако сте активни, покрај вежбањето потребно е да внимавате и на исхраната. Денес нема да пишуваме за намрници кои треба да ги јадете во текот на денот, туку за оние кои се препорачуваат за грицкање пред и после тренинг.
Регуларното “грицкање” е од голема важност за здрав и активен начин на живот. Малите оброци пред и после тренинг треба да бидат хранливи, вкусни и да ги задоволуваат вашите дневни потреби. Активната жена би требало да изеде грицки околу 100 -200 калории, а активните мажи малку повеќе. Меѓутоа се прашувате кои се тие намирници?
Овошје и јогурт
Свежото овошје му дава на организмот брза доза енергија. Овошјето како ананасот, портокалот и киви полни со витамин Ц се потребни за зглобовите и сврзното ткиво. Два часа пред тренинг направете салата од овошје со јогурт, а сето тоа зачинете го со малку јаткасти плодови.
Свежа салата
Обична салата прави еден супер оброк. На пример, една чаша грашок има околу 35 калории, а одличен извор е на магнезиум кој помага во изградбата на мускулите и ги зајакнува коските. Направете салата од свеж зеленчук, а за додаток на калциум на врвот посипете малку пармезан.
Јајца
Едно јајце им околу 72 калории, 1.6 грама заситени масти, лутеин и витамин А и Б12. Повеќето хранлви материи се наоѓаат во жолчката, затоа јадете ги и белките и жолчките за да ги искористите сите придобивки од јајцето за организмот.
Чорба од домат
Лесната и свежа доматна чорба можете да ја јадете топла или ладна, не само како предјадење туку и како меѓуоброк. Доматот е добар извор на влакна, витамин А и Ц, калиум кој се наоѓа во голем дел спортски пијалоци зошто му помага на организмот да ја одржи рамнотежата на течности и да делува како заштита од грчеви.
Пред тренинг би требало помалку да внесувате масти, зошто тие споро се варат. Потрудете се да ги ограничите на околу 15 грама масти во оброк пред тренинг. Но корисно е да знаете дека есенцијалните масти го подигнуваат и одржуваат нивото на хормонот тестостерон кој е клучен за изградба на мускулите. Овие масти можете да ги внесете преку туна, јајца и пилешко.
