Мали нешта за покажување на голема љубов
Малите нешта секогаш оставаат голем впечаток. Ова особено важи за врските, во кои најмалите гестови можат да покажат големо внимание и искрена љубов. Ова е листа на неколку мали, но значајни нешта кои можете да ѝ ги „подарите“ на партнерката правејќи таа да се чувствува посебно.
Помагајте ѝ со товарот
Секогаш помагајте и на вашата сакана со нејзиниот товар, бидејќи ретко која девојка „обожава“ да се килави. Таа ќе ви биде многу благодарна, а вие ќе испаднете прав џентлмен.
Делете ѝ комплименти без разлика на нејзиното моментално издание
Покажете и дека ја сакате во секакво светло или расположение. Без разлика дали таа е облечена во тренерки и обична маичка, укажете и дека сè уште ви е атрактивна и секси, а таа со сигурност нема да остане рамнодушна.
Пазарете самоволно, без таа да ве тера
Кога ќе забележите дека сте го испиле млекото или пак нема ни зрно кафе, појдете и набавете ги намирниците кои ви недостасуваат. Кога самоиницијативно го правите ова, таа ве сака уште повеќе.
Сослушувајте ги нејзините проблеми
По стресниот ден разговорот со партнерот е секогаш вентилот за опуштање и растеретување од нервозата. Оставете ја да ги искаже своите маки и проблеми, а вие сослушајте ја и доколку можете дадете ѝ совет. Жените го сакаат тоа.
Превезувајте ја доколку сте во можност
Понудете ѝ да ја превезете или земете од негде. Нејзиното чувството на олеснување како резултат на избегнувањето на градскиот метеж и гужвата во автобусите ќе биде голем благодет за вас.
Правете ѝ кафе
Можеби е премал и незначаен потег, но кога ќе го помириса моќниот вкус подготвен од нејзината најголема љубов, таа ќе биде пријатно изненадена и ќе ве пречека насмеана. Самиот факт што сте го направиле, без таа да го побара тоа од вас е сосема доволен, дури и доколку не го погодите. Но, еве неколку добри рецепти за кафе со кои нема да згрешите.
Згответе вечера, без некој повод
Ништо не кажува подобро „Те сакам“ од маж во престилка, готвејќи нешто вкусно за неговата сакана и тоа без некој посебен повод.
